සොබාව සෞන්දර්යයෙන් අනූන වූ සොදුරු පරිසරයක පිහිටි අප පාසල අද වන විට ප්‍රදේශයටම අලෝකයක් වූ කීර්තිමත් විදු බිමක් බවට පත්ව ඇත.වයඹ පළාතේ කුරුණෑගල දිස්ත්‍රික්කයේ කුලියපිටිය කලාපයට අයත් පුගල්ල මහා විද්‍යාලය(ජාතික පාසල) කිතලව හා පුගල්ල දෙගම්වාසින්ගේ පුරෝගාමිත්වයෙන් ආරම්භ වී ඇත. කිතලව පුගල්ල ශ්‍රී පුෂ්පාරාම විහාරස්ථානයේ වැඩ විසු මොරගනේ ශ්‍රී සාරානන්ද හිමිපාණෝ මෙහි පුරෝගාමී හිමිපාණන්ය. 1949 මැයි 20 දින සිසුන් තිදෙනෙකුගෙන් ඇරඹි මෙම පාසල 1996 ජුනි මස 25 වන දින මහා විද්‍යාලයක් බවට පත් විය.දැනට මෙම පාසල භෞතික හා මානව සම්පත් අතින් වර්තමානයේ ඉදිරියට පැමිණ ඇත.